Veiðileyfi á hófsömu verði

Tilvalið fyrir fjölskyldur

Norðurá-Flóðatangasvæði

Silungsveiði með laxavon

Flóðatangi er neðsta veiðisvæði Norðurár.  Aðallega veiðist þar bleikja, en laxavon er þar nokkur þar sem allur Norðurár-laxinn fer í gegn um svæðið.

Þeir sem hafa hitt á göngurnar hafa oft fengið góða veiði.  Þá hefur veiði á sjóbirting verið að aukast undanfarin ár og hafa margir stórir slíkir veiðst. 

Að Borgum
Veiðileyfi eru seld hjá Stangaveiðifélagi Reykjavíkur s: 568-6050 www.svfr.is

eða að Borgum hjá Birnu G. Konráðsdóttur

s: 435-1505 / 864-5404

Á vef Stangaveiðifélagsins er hægt að sjá hvaða dagar eru lausir.

Norðurá - fegurst áa

Veiðisvæðið nær frá Klapparhyl rétt fyrir ofan Munaðarnes-bæinn og niður að mármótum við Hvítá.   Eins og gengur og gerist eru staðið misjafnlega gjöfulir.  Margir hafa þó krækt í fisk í Hlöðutúnskvísl, í Haugahyl eða Kastalahyl.

Nauðsynlegt er að allur veiddur fiskur sé skráður í veiðibók sem staðsett er í veiðihúsinu.

Verðskrá.   Utanfélagsmenn greiða 20% hærra verð.

Af stórlöxum á Flóðatanga:

Í Náttúrufræðingnum árið 1957 fjallaði Þór Guðjónsson um stóra laxa í tilefni af því að Grímseyjarlaxinn svokallaði hafði veiðst í þorskanet við Grímsey. Vó sá 49 pund blóðgaður og var 132 sm langur.  
Í grein Þórs segir:
,,Risalax veiddist í silunganet í Hvítá í Borgarfirði hjá Flóðatanga á síðustu öld.  Menn eru ekki á eitt sáttir um þyngd hans, hvenær hann var veiddur eða af hverjum.  Í Veiðimanninum nr. 18, 1951, og síðar í bókinni Að kvöldi dags, 1952, skýrir Björn J. Blöndal, rithöfundur, frá því að lax, sem talinn var 70 pd, hafi veiðst í Hvítá frá Flóðatanga í Stafholtstungum.  Björn bar þessa sögu undir Þorstein bónda Böðvarsson í Grafardal, sem heyrt hafði hana af vörum sömu manna og Björn.  Þorsteinn taldi þyngd laxins hafa verið 65 eða 70 pd, en hélt þó síðari töluna vera réttari. Stefán Ólafsson telur í grein í Veiðimanninum nr. 19, 1952, að Björn fari rétt með þyngd laxins og annað í frásögninni um Flóðatangalaxinn, en bætir við að hann hafi veiðst í svokallaðri Sandskarðalögn í kvísl úr Hvítá, sem nú er þurr og ennfremur að Hálfdán bóndi á Flóðatanga hafi veitt laxinn um 1880."
 Ekki virtust menn þó á eitt sáttir um þetta og í grein Þórs kemur fram að Kjartan Bergmann, sonur Guðjóns Kjartanssonar á Flóðatanga, segist hafa það eftir föður sínum að stóri laxinn hafi veiðst á búskaparárum Ásmundar Þórðarsonar á Flóðatanga en sá bjó þar á árunum 1840 til 1862. Eftir Ferjukotsmönnum er svo haft að laxinn hafi verið 60 pd. Breytir það engu um að laxinn mun vera sá stærsti sem veiðst hefur hér á landi.

Veiðihús

Leiðarlýsing að veiðihúsi:
 

Veiðikort:
Fáanlegt á skrifstofu SVFR Háaleitisbraut 68